Wie die Lutken verschwanden (Kak su se lutki zgubili)

Niedersorbisch

Ako su z kśesćijaństwom chopili cerkwje w serbskej Łužycy twariś, a ako z jich tormow zwóny zwónichu, njejsu lutki mógali to głosne zwónjenje pśenjaśc. Jaden z prědnych zwónow w Dolnej Łužycy jo zaklincał w Bukowje pla Grodka. Rowno tam jo bydliło radnje wjele lutkow. Lěbda běchu Bukowarje žedne raze cerkwinske zwóny zwónili, su lutki se zgromazili a wobradowali, kak by mógali zwón do kusow rozbiś. Wóni su wjeliki kulowaty kamjeń ze zemje wuryli, njejsu jen pak mógałi njasć. W jadnej starej powěsći se wulicujo, až su lutki pótom wudrogowali. Druga powěsć měni, až su se te małke cłowjaški pśenapinali a dla togo w běgu krotkego casa wumrěli.

Deutsch

Als man begann, in der sorbischen Lausitz christliche Kirchen zu errichten und auf den Türmen Glocken aufzuhängen, konnten die Lutken das laute Läuten nicht vertragen. Eine der ersten Glocken war die in Groß Buckow bei Spremberg, und gerade dort gab es sehr viele Lutken. Kaum hatten die Buckower einige Male ihre Kirchenglocke geläutet, versammelten sich die Lutken und berieten, wie sie die Glocke zerschlagen konnten. Sie gruben einen großen runden Stein aus der Erde, doch konnten sie ihn nicht schleppen. Eine Sage berichtet, dass die Lutken dann ausgewandert seien. Eine andere meint, sie hätten sich überanstrengt und seien an Entkräftung gestorben.

Quelle: Werner Meschkank, Cottbus; www.raddusch-spreewald.de