Heinzelmännchen treibt Schabernack

Ne Ohm van mengem Vatte woe noh Levvesch (Waldgebiet Lieverscheid) em Zengzeme Bösch jefahre, Schanze holle. Wie eä zeröck fährt, well et Päed zoletz net mih vüraan. Du läd eä en Schanz af. Wie eä jet wegge fährt, wor et Päed wedde stohn blevve. Nu läd eä wedde en Portziuun (Portion) af. Dat nötzt nühs. Zoletz hott eä nuer zwei Schanze drop. Du hüet eä hönge sich eene en de Hänk klatsche on laut laache: „Dat det dier jot, Juhannche.“ On du wued eä iesch jewahr, dat woe dat Heenzemänche schold, dat hatt sich op de Kahr (Karre) jesatz on sich su schwäe jemaht.

Jetzt sät me noch: „Maach net, dat et Heenzemännche dich kritt!“ Die heelte sich em Zengzeme Bösch op. Die hahn de Lögge vell Streech (Streiche) jemaht. Die kreech kene ze sehn, kleen Käelche, die sich op de Kahr setzte.

Quelle: Erzählt um 1900 von Frau Mauel aus Zingsheim; Gottfried Henßen, Sagen, Märchen und Schwänke des Jülicher Landes, Nr. 19